Clár Stiúrthora Cónaithe

Tá Amharclann na Mainistreach tiomanta do dheiseanna a sholáthar do stiúrthóirí luathghairme chun a gceird a fhorbairt agus a gcleachtas a leathnú. Tá lúcháir orainn a fhógairt go mbeidh ár gclár stiúrthóirí cónaitheacha ar ais in 2024 chun ár n-aidhmeanna a chomhlíonadh agus chun ceathrar stiúrthóirí cónaitheacha a fhorbairt ar feadh bliana i gceangal leis an amharclann, ag tosú Eanáir 2024.

To read this page in English, click here.

An Clár

  • Cuireann an clár foghlama ar chumas stiúrthóirí cur lena n-eolas ar stiúradh tríd an méid seo a leanas:
  •  Deis amháin, ar a laghad, a bheith ina Stiúrthóir Cúnta ar léiriúchán príomhstáitse in Amharclann na Mainistreach in 2024.
  •  Dianchúrsa forbartha gairmiúla lánaimseartha dhá sheachtain ón 19 Feabhra go dtí an 1 Márta 2024.
  • Spás deisce bliana ag Amharclann na Mainistreach.
  • Meantóireacht agus cruinnithe míosúla leis an Stiúrthóir Comhlach, Caroline Byrne.
  • Seisiúin líonraithe le gairmithe Thionscal na hAmharclannaíochta agus le foireann Amharclann na Mainistreach.
  • Cruinniú ráithiúil leis an Stiúrthóir Ealaíne, Caitríona McLaughlin.
  • Seisiúin oiliúna agus forbartha leis an Stiúrthóir Gutha agus Téacs, Andrea Ainsworth, ag Amharclann na Mainistreach.
  • 4 mháistir-rang stiúrthóirí idirnáisiúnta in 2024.
  • Turas deireadh seachtaine amháin urraithe chuig Féile Amharclannaíochta Idirnáisiúnta.
  • Ticéid le saothar a bheidh ar siúl ag Amharclann na Mainistreach a fheiceáil.
  • Teacht ar reáchtáil laethúil na hamharclainne, seisiúin maidir le roghnú aisteoirí, margaíocht, léiriúchán, saothar liteartha agus nua san áireamh.
  • Páirt a ghlacadh i gcruinnithe scripte gach sé seachtaine leis an mbainistíocht shinsearach agus le healaíontóirí comhlacha Amharclann na Mainistreach.
  • Deiseanna chun fostaíocht agus íocaíocht a fháil as sleachta cleachta a léamh agus as tionscadail phobail.

Cuirfidh an socrúchán bliana seo san amharclann stipinn €12,000 ar fáil don chónaitheacht agus beidh sé lonnaithe ag Amharclann na Mainistreach. Is ionann é seo agus thart ar 60 lá d’fhorbairt ghairmiúil ag Amharclann na Mainistreach.

Tá an clár ceaptha chun tacú le stiúrthóirí a dteastaíonn uathu cur lena gcónaitheacht le hobair bhreise.

Caithfidh stiúrthóirí a bheith ar fáil le freastal ar dhianchúrsa dhá sheachtain chomh maith le máistir-ranganna agus gnáthchruinnithe scripte/cláreagraithe. Tá na dátaí agus an sceideal iomlán le deimhniú. Tá an-spéis againn iarratais a fháil ó ealaíontóirí ó phobail a ndearnadh tearcionadaíocht dóibh riamh anall in Amharclannaíocht na hÉireann.

Caithfidh na hiarratasóirí go léir a bheith ina gcónaí in Éirinn in 2024.